Nar 1/11, ta nkuâl Lăk, n’gor Dak Lak, Trung ương Hội Liên hiệp Druh ndăm Việt Nam kan nsum đah Bộ Giáo dục n’hanh Đào tạo, Ủy ban Dân tộc n’hanh Tập đoàn Thiên Long ƀư bôk nău kan “Tâm kơl ndrel nai ntĭm nti” năm 2023. Aơ lah năm tâl 9 bôk nău kan “tâm kơl ndrel nai ntĭm nti” dơi ƀư.

Ngoăy tâm ăp nău kan ntoh lư bah bôk nău kan lah hăn khâl ăp nai ntĭm nti ta xã jêr jŏt nkual I, nkual II, nkual III mpeh ƀon lan rnoi mpôl đê̆ n’hanh mpeh yôk yang. Bôk nău kan “tâm kơl ndrel nai ntĭm nti” tă bah Trung ương Hội druh ndăm Việt Nam kan nsum đah Bộ Giáo dục n’hanh Đào tạo, Ủy ban Dân tộc n’hanh Tập đoàn Thiên Long ƀư lor bôk năp tâm năm 2015, tât aƀaơ, bôk nău kan hŏ mpư rnê 458 nai ntĭm nti ntoh lư geh âk nău rgop tâm nău ntĭm nti kon se ta ntŭk, njêng geh nău rgâl ntoh lư mpeh săk blău ntĭm nti; geh nuih n’hâm rlău jêr jŏt, lĕ du nuih n’hâm đah n’gâng kan ntĭm nti, dơi kon se nti, me bơ̆ kon se nti, nsum mpôl ƀon lan dêh rŏng./.