VOV4.M’nông: Ôi lơ 25/1, ta ntŭk kan Chính phủ, Bí thư Trung ương Đảng, Groi Thủ tướng Lê Minh Khái ƀư tơm nar rƀŭn đah ăp n’gâng kan, ntŭk kan, rgop nau ƀư jêh nau nchrăp nau ntrŭnh bah Chính phủ mpeh bôk nau kan ndâk tay, hun hao văng sa, rêh jêng. Lôch nar rƀŭn, Groi Thủ tướng Lê Minh Khái đă N’gâng kan nchrăp kan ndrel ntuh kơl lŏ rgop ăp nau đă bah ăp n’gâng kan, ntŭk kan, ƀư jêh nau nchrăp nau ntrŭnh, kơp uănh ăp nŭih geh dơi kơl, ƀư rjăp nau mĭn nau ntop tay rnoh nŭih geh kơl an ân tâm di. Groi Thủ tướng nkah, nau ƀư nau ntrŭnh, ăp ntrpong kan ƀư ân geh jêh, mât ân nâp, tâm dăch nau ntrŭnh bah Bộ chính trị ndrel Nau ntrŭnh bah Quốc hội, yor aơ lah nau kan têh ndrel geh rnoh tơm prăk bơi tât 350 rbăn rmen, âk nau kan ân geh tâm rgop ƀư ân ueh đah nau nchrăp ntruh kơl jong năm. Nau ntrŭnh ân geh mbơh kloh, nau kan geh ƀư ân geh đăp mpăn mô ân tât nau tih./.

Nŭih rblang: H’Thi