N’gor Dak Nông mhe ân leo uănh ndrel lăp dŏng nau kan n’hao nkra, pơk hvi trong tă bah Quốc lộ 14 tât mpông Bu Prăng. Trong aơ geh nau khlay gay hun hao văng sa rêh jêng, đăp mpăn rnă njrăng neh dak nkual n’har bri. Nchrăp nau kan geh rnoh jong 38km, tâm Bôk nau kan kơl hun hao nkuăl ƀư bôk nau kan bah n’gor Dak Nông, rgum ăp nau kan nkra nthoi trong jâng, đah tơm prăk ntuh kơl 426 rmen ntơm bah tơm prăk Ngân hàng Hun hao Châu Á (ADB).

Bộk nau kan geh nkra tâm khay 8/2020, rlet ăp xã Nâm N’jang, Dak Ndrung, nkuăl Dak Nsong ndrel Đắc Búc So, Quảng Trực, nkuăl Tuy Đức. Tĭng wa Hà Sỹ Sơn, Groi Giám đốc N’gâng kan gung trong nchuăn rdeng Dak Nông, gay ƀư nau kan hun hao văng sa rêh jêng tâm nkuăl ƀon lan, n’har bri, năm 2023, n’gor lŏ ntuh kơl rlau 700 rmen gay ma nkra, n’hao, nthoi ăp trong./.