Kêng măng (15/8), ta Hà Nội, Học viện Chính trị quốc gia Hồ Chí Minh tâm rgop đah ban Tổ chức Trung ương ƀư n’glôch jêh jrô nti, mĭn joi nău wât đah Groi Bí thư, Kruanh HĐND, Kruanh UBND n’gor, nkual ƀon têh mpeh tâm Trung ương (jrô tal 2). Ntoh ngơi ta nar n’glôch jêh, Giám đốc Học viên Chính trị quốc gia Hồ Chí Minh Nguyễn Xuân Thắng mbah rhơn 44 đồng chí lĕ jêh nti, mĭn joi nău wât dŭt khlay n’hanh geh âk nkô̆, rgop n’hao uĕh tâm trong kan ntĭm rđău, ƀĭt joet ƀư tĭng ăp nău kan dơi jao bah nơm ta ăp ntŭk tâm năm tât aơ tay.

Wa Nguyễn Xuân Thắng nkoch nău nsing nơm đah ăp nău wât mhe dơi năp bah jrô nti aơ, ndrel đah ăp nău ƀư uĕh mhe tâm nău ngăn trong kan, ăp nuĭh nti mbra geh tay n’hâm soan n’hanh nuih n’hâm, mô rlu nti n’hao nău wât, janh dăng chính trị, hăn ntrong leo lor, mô klach jêr jŏt, ntŭl rlong, janh mĭn, janh ƀư, janh rgâl mhe, mĭn ƀư mhe, lôch uĕh nău kan bah nơm.