Ôi lơ 24/8, ta ntŭk rƀŭn nchră nkuăl ƀon têh Hải Phòng mbrô 18 Hoàng Diệu, quận Hồng Bàng, nkuăl ƀon têh Hải Phòng, Ban chấp Hành Trung ương Đảng, Quốc hội, kruanh dak, chính phủ, Ủy ban Trung ướng MTTQ Việt Nam n’hanh rnăk vâl lĕ geh ƀư rơh njorr khĭt đồng chí Lê Văn Thành, Ủy viên trung ương Đảng, groi Thủ tướng Chính phủ tĭng nău way njor khĭt gâl ngih dak.

Săk khĭt groi Thủ tướng Lê Văn Thành nkŭm n’ha cờ ngih dak geh an ta ntŭk dŭt khlăy ta ntŭk rƀŭn nchră nkuăl ƀon têh Hải Phòng. Ntơm rơh rtâng, mpôl Đại biểu Ban chấp hành trung ương Đảng lăp n’hanh rngot klâng ndrel đah rnăk vâl groi Thủ tướng Lê Văn Thành. Lôch nĕ, lah mpôl kruanh dak, mpôl chính phủ, mpôl Quốc hội, mpôl ủy ban Trung ương MTTQ Việt Nam lăp njorr râng khĭt đồng chí Lê Văn Thành. Tât râng khĭt groi Thủ tướng hôm nha geh ăp đồng chí tă leo kan Đảng, ngih dak, mpôl đại biểu ăp n’gâng kan, ntŭk kan, mpôl kan trung ương n’hanh ăp ntŭk kan ba dâng, ăp mpôl kan nchră nău đah dak bah dih, băl mpôl lam ntur neh. Rơh nkoch mbơh nău rêh Groi thủ tướng Lê Văn Thành mbra geh ƀư ta 7 mông, nar 26/8, njŭn khĭt n’hanh tâp Groi Thủ tướng geh ƀư ndrel nar ta môch ƀon xã Tân Liên, nkuăl Vĩnh Bảo, nkuăl ƀon têh Hải Phòng.