Lơ 27/7, ta nkual ƀon têh Huế, rmôt kan bu ur n’gor Thừa Thiên Huế tâm rgop nsum ma Trung ương rmôt bu ur Việt Nam ƀư nau tâm rlong “Joi gĭt nau blau Luật njrăng, rdâng nau tâm lơh tâm rnăk vâl năm 2022” rkŭm miền Trung-Tây Nguyên.

Rơh tâm rlong rgum nau râng bah 8 rmôt bah ăp n’gor Miền Trung-Tây Nguyên, geh: Nghệ An, Thanh Hoá, Quảng Trị, Thừa Thiên Huế, Quảng Nam, Quảng Ngãi, Kon Tum ndrel Dak Lak. Ăp rmôt tâm rlong tâm 3 gưl lah, mbah, rklaih nau tât ndrel nau tâm ơh nkoch tât nau njrăng, rdâng nau tâm lơh tâm rnăk vâl. Rnâng kan ƀư nau tâm rlong hŏ pă du giải Nhất, 2 giải Nhì, 3 giải Pe ndrel nau nkhôm nau nau ân ăp rmôt.

Tĭng nau geh bah mêt uănh bah neh dak mpeh nau tâm lơh tâm rnăk vâl ma bu ur, kon se ta Việt Nam năm 2019 ân saơ, tâm ăp nar geh 64 bu ur ndrel kon se geh nau khuch bah nau lơh. Lah 3 nŭih bu ur ri geh bơi tât du hê (32%) geh sai lơh tât săk jăn mô lah n’gô̆. Bah nau tâm rlong, Rnâng kan ŭch, ăp nŭih bu ur mra lah nŭih mbơh nau blau, nkoch mbơh ueh tâm ăp nau nkoch trêng njrăng rdâng mpeh nau tâm lơh tâm rnăk vâl, tâm ban bu ur bu klô, ndâk geh nsum mpôl “đăp mpăn, tâm ban, mô geh tâm lơh, mô khuch tât bu ur, kon se”./.