Ôi 10/9, Tổng Bí thư, Kruanh dak Tô Lâm n’hanh I ur lĕ ƀư tơm wơt Tổng Bí thư, Kruanh dak Lào Thongloun Sisoulith n’hanh I ur khâl gưl ngih dak tât Việt Nam. Ƀư wơt na nê̆ Tổng Bí thư, Kruanh dak Thongloun Sisoulith n’hanh I ur ndrel Mpôl đại biểu gưl prêh Đảng, Ngih dak Lào dơi ƀư têh ta Ntŭk Kruanh dak tĭng nău ƀư têh ngăn an kruanh ngih dak đah 21 tong đại bác mbah rhơn.

Aơ lah rơh bôk năp Tổng Bí thư, Kruanh dak Lào Thongloun Sisoulith khâl gưl ngih dak tât dak he, lơn lah, rơh khâl geh tâm rnôk Lào lah Kruanh ASEAN 2024; 2 dak dôl mbơh ƀư nghị quyết Đại hội Đảng Nhân dân Lào rơh tal 11 n’hanh Nghị quyết Đại hội Đảng Cộng sản Việt Nam rơh tal 13 ta dŭt năm kan. Jêh ƀư wơt, tâm ôi 10/9, Tổng Bí thư, Kruanh dak Tô Lâm lĕ ƀư rgum nchră gưl prêh đah Tổng Bí thư, Kruanh dak Lào Thongloun Sisoulith gay ntrôl tay kan ndrel lĕ rngôch đah 2 dak nar lơ săk rnglăy, nsĭt tay nău uĕh an ƀon lan, nkre tâm kơl ndrel ta rƀŭn nchră tâm nkual n’hanh lam ntŭr neh.