Nkhêp nkah ndray 133 năm nar deh bah Wa Hồ, nar 19/5, Ủy ban nhân dân nkual ƀon têh Buôn Ma Thuột ƀư rơh rgŏ jă “Tết tăm si mbro mbrăng nkah Wa Hồ”.Ta rơh Lễ rgŏ jă, 110 tơm n’ger têh ntơm bah 12-15cm, prêh 5m hŏ dơi tăm ta nkual đại lộ Đông Tây, phường Tự An, nkual ƀon têh Buôn Ma Thuột.

wa Trần Đức Nhật, Groi kruanh Ủy ban nhân dân nkual ƀon têh Buôn Ma Thuột an gĭt, nkual ƀon têh Buôn Ma Thuột lah ngoăy tâm ăp nkual ƀon têh geh rnoh âk nkrum n’hâm tơm si bah lam dak đah rnoh âk nkrum n’hâm rlău 8,27 m² tâm du hê bôk nuĭh ta trôm nkual ƀon têh n’hanh lam nkual ƀon têh lah 17,21 m²/nuĭh. Tĭng bôk nău kan tăm geh 1 rmen tơm si bah Chính phủ, năm rlău aơ nkual ƀon têh Buôn Ma Thuột hŏ tăm geh 29.000 tơm si ăp ntil. Buôn Ma Thuột nsrôih tât năm 2030 jêng nkual ƀon têh nđĭr uĕh, geh âk si gle, ăp tŏng nău lư n’hanh săk tơm.