VOV4.M’nông – Ôi 8/4, Thành ủy, UBND nkual ƀon têh Cần Thơ lĕ ƀư nar mâp măt ăp nuĭh trụ trì, nhân sĩ, trí thức n’hanh Ban quản trị ăp chùa Phật giáo Nam tông Khmer, nuĭh dơi nsing nơm ta nkual ƀon têh Cần Thơ gay mbah rhơn Tết way ơm Chôl Chnăm Thmây n’hanh mbơh mpeh nău ƀư tĭng trong kan rnoi mpôl năm 2021, rƀŏng tât năm 2022. Năm 2021 lah năm geh âk jêr jŏt, ntŭl rlong yor khuch trôk nar, chôt srê Covid-19 yơn nkual ƀon têh Cần Thơ kơl lor pă prăk gay ƀư âk bôk nău kan rgop an tâm nchră têh gay ăp nău kơl rnoi mpôl dơi ƀư tŏng ăp, săk rnglăy. Aƀaơ, nkual ƀon têh dôl rgum nchrăp mbơh ƀư hun hao wăng sa, văn hóa, rêh jêng gay hun hao nkual ƀon têh Cần Thơ; mbơh ƀư bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk lvang 2021-2030, kơt trong kan rnoi mpôl lvang năm 2012-2030, Uănh tât năm 2045. Aơ lah nău dơi têh gay ăp ntŭk dơi mĭn uănh, n’hao nău rêh bah ƀon lan rnoi mpôl đêt.

Nuĭh rblang: Y Sưng Phê Ja