VOV4.M'nông: Ôi 1/8, Uỷ viên Bộ Chính trị, Bí thư Trung ương Đảng, Chánh án Nhih phat dôih ƀon lan Gưl têh Nguyễn Hoà Bình hŏ geh rơh pah kan đah Nhih phat dôih ƀon lan n'gor Kon Tum. Wa Nguyễn Hoà Bình njrăng đă, Nhih phat dôih ƀon lan n'gor Kon Tum ân geh nău way n'hao ƀư âk rơh phat dôih nkra bah tâm rkeh gay njêng dơi nău tâm ban âk lơn tâm nău rêh, der dơi ăp nău tih mô lăng khlay.

Gŭ mĭn ơm dŏng rơh phat dôih tĭng trong nkra pơk sŏng dăng bah ngai ntơm bah nê njêng trong ntĭt leo Nhih phat dôih điện tử rgop mpêt nkrem mông nar, prăk kaih n'hanh tâm di đah trong rƀŏng aƀaơ. N'hao dăng tĭng ƀư jăp pah kan n'hao nău dơi tam nkra rmal n'hanh đăp mpăn uĕh nău dơi bah nuĭh ƀon lan. Nkhêp geh hăn pah kan, Chánh án Nhih phat dôih ƀon lan Gưl têh Nguyễn Hoà Bình ndrel mpôl pah kan hŏ tât mpoh nhang, an kao si ta Nghĩa trang Liệt sỹ nkuâl Kon Rẫy; hăn uănh ntŭk têl ơm yău lơh dơi Kon Braih n'hanh Jay Nchih nkah ăp tahen ơm khĭt Kon Braih, nkuâl Kon Rẫy.

Nuĭh rblang: Điểu Thân