VOV4.Mnông- Nar 16/2, ta ntŭk kan chính phủ, Thủ tướng Phạm Minh Chính leo rơh rƀŭn nchră Chính phủ bôk nău kan rdâk njêng pháp luật khay 2/2022. Ntoh ngơi ta rơh rƀŭn nchră, Thủ tướng Phạm Minh Chính đă lah na nê̆, rơh rƀŭn nchră aơ, chính phủ nchră tay ƀư lôch ăp nău nchrăp kan Luật, nău aơ geh tâm nău ntrŭnh kan têh bâh Đảng, ƀư tĭng Nghị quyết Đại hội tal 13 bâh Đảng lĕ geh uănh năl na nê̆ mât đăp mpăn ntuh kơl an nău kan rdâk njêng pe nău mhe ta ntrong kan an tâm di, tâm nĕ geh nău mhe mpeh ntrong leo kan.

Ta rơh rƀŭn nchră

Yor nĕ, he an geh leo ƀư mbro ăp rơh rƀŭn nchră, tâm mbơh, tâm nchră gay ma geh gĭt ôp nău tâm rgop ăp nuĭh way kan, nuĭh kan khoa học, nuĭh kan mât uănh gay ma rdâk njêng trong kan pháp luật, tâm nĕ geh nău dơi mât uănh bâh ăp gâl kan. Mơh ntil geh tâm di nău dơi bâh n’gâng kan chính trị, Quốc hội rĭ he an geh nchrăp kan an ueh, ndơ̆ mbơh tĭng di nău ntrŭnh, nău way kan. Thủ tướng dăn đă ăp kruanh n’gâng kan, kruanh ntŭk kan an geh leo kan, ntĭm đă nău rdâk njêng trong kan aơ, geh nđâp ăp Luật geh tât n’gâng kan, nău kan, rdâk njêng ăp nghị định, thông tư.

Nuĭh rblang: Thị Đoắt