VOV4.M'nông: Ôi 26/1, wa Trần Cẩm Tú, Ủy viên Bộ Chính trị, Bí thư Trung ương Đảng, Chủ nhiệm Ủy ban Kiểm tra Trung ương ndrel mpôl pah kan hŏ tât khâl, mbah rhơn Tết, pă nklâm ndơ an mpôl kan bôk trong rdâng lơh nuh srê Covid-19 n'gor Quảng Bình; khâl rgŏ jă n'hanh pă nklâm ndơ Tết ăp rnăk dơi kơl, rnăk ach o ta n'gor. Wa Trần Cẩm Tú, Chủ nhiệm Ủy ban Kiểm tra Trung ương rnê âk ăp nău rgop bah lĕ rngôch cán bộ, nuĭh kan dak si, mpôl tahen, ăp nuĭh ta bôk trong rdâng lơh nuh srê hŏ mô kă rnam krit jêr, rlău dơi ăp ntil nău jêr jŏt, mô ăp tŏng gay rdâng lơh nuh srê. Nkhêp geh rnôk dja, wa Trần Cẩm Tú hŏ pă an nklâm ndơ Tết an mpôl kan ta bôk trong rdâng lơh nuh srê Covid-19; pă nklâm ndơ Tết ăp rnăk dơi kơl, rnăk ach o, công nhân nuĭh kan ta xã Quảng Đông, nkuâl Quảng Trạch, n'gor Quảng Bình./.

Nuĭh rblang: Điểu Thân