Tổng Liên đoàn Lao động Việt Nam mhe geh nau ntrŭnh mrô 02 mpeh nau lŏ kơl an đoàn viên công đoàn, nŭih pah kan geh n’huch nau kan, ân nsrŭng nau kan. Aơ lah rơh kơl an tal 2 tâm năm 2023 ndrel ma tơm prăk Công đoàn. Tổng Liên đoàn hŏ ntrŭnh nau ntrŭnh lŏ kơl an nau kan kơl doàn viên, nŭih pah kan đah rnoh 145 rmen. Ngăn lah, nŭih geh n’huch mông pah kan ăp nar, n’huch rnoh kan tâm du pơh mô lah tâm khay, nsrŭng nau kan ntơm 14 nar hao gŏ lơ ma geh rnoh prăk dêh rlau ma rnoh prăk dôl geh nchih tâm hợp đồng ri geh kơl an du rkeh.

Nŭih geh ân nsrŭng hợp đồng, rlu kan mô geh prăk khay ntơm 30 nar hao gŏ lơ (lah geh nau êng dơi) ndơn geh 2 rkeh prăk. Nŭih roh nau kan yơn mô tŏng dơi gay ma kơl an prăk roh kan pah nchrăp geh kơl an 3 rkeh. Nau kan kơl an mô ƀư ân nŭih ŭch rlu êng nau kan tih pháp luật, geh mhal ân rlu kan, dôl rlong pah kan mô geh nau dơi mô lah du ding nchlơi nau nchrăp, nŭih geh sa prăk rlu ranh, kơl an roh n’hâm pah kan ăp khay. Nau kan ndơn săm ƀŭt dơi geh ƀư ntơm dŭt khay 8 tât lôch khay 12 năm 2023 ndrel mbrơi ngăn tât lơ 31/1/2024. Nsôih ƀư jêh nau kơl an mbrơi ngăn bah năp lơ 31/3/2024./.