UBND n’gor Dak Lak mhe ntrŭnh ăp nkô̆ nau kan rgum ntuh kơl ntơm bah rnôk aơ tât lôch năm 2025, tâm nê ăp nau kan geh tât nau ê nkra ndơ tuch tăm geh mpŏng mra njêng nau nâp dăng gay tuch tăm hun hao tŏng nau kan mhe. 36 nau kan tâm 6 trong tơm geh Dak Lak leo gay ma rgum ntuh kơl. Tâm nê, geh 8 nau kan tâm nau tuch tăm ndrel ê nkra ndơ tuch tăm, 13 nau kan công nghiệp-ndâk nkra, 8 nau kan tăch rgâl, pâl n’iah.

Êng nau kan tuch tăm ndrel ê nkra ndơ tuch tăm, n’gor Dak Lak geh nau dăng ntơm bah nau tuch tăm tât ê nkra. Yơn lah, rnôk aơ công nghiệp ê nkra mhe knŭng geh 10-15% rnoh geh ndơ. Lah jă nau ntuh kơl geh nau dơi, nau kan ê nkra ndơ tuch tăm tâm rnoh ma UBND n’gor mhe ntrŭnh, mra kơl an ƀon lan đăp mpăn tâm nau kan ê nkra ndrel geh nau dơi njêng ăp nkual tăm rgum kơl an ntrŭt dăng nau kan tuch tăm tĭng nau rgum, geh tu tơm kloh, đăp mpăn tŏng dơi ăp./.