VOV4.M’nông -  Ôi 18/1, ta Hà Nội, Cổng thông tin điện tử Chính phủ, Báo điện tử Chính phủ ƀư sa nkra rup gui mhe, pơk dŏng ntŭk rgum nchih ăp ntil. Groi Thủ tướng Vũ Đức Đam tât râng n’hanh ntoh ngơi ta nar ƀư. 16 năm lĕ rlău kơp bah nar 10/1/2006, rnôk Thủ tướng Phan Văn Khải pơk sa nkra lăp mang internet lam ntŭr neh Cổng thông tin điện tử Chính phủ (bôk năp lah Website Chính phủ), lĕ jêng trong mbơh nău ƀa ƀơ, na nao pă an, wơt dơn nău mhe, rplay sam ƀŭt way dŏng, di na nê̆ bah Chính phủ ta mạng internet; rhŏ an geh săk rnglăy trong kan ntĭm rđău, ƀĭt joet bah chính phủ, Thủ tướng Chính phủ. Ăp năm, Cổng thông tin Điện tử chính phủ luh rĭng geh rlău 30.000 nău mhe, nău nchih, album rup, video clip, rlău 400 nău mbơh, nău tơih báo chí ntoh lư, nkoch rlău 2.000 sam ƀŭt quy phạm pháp luật n’hanh sam ƀŭt ntĭm rđău ƀĭt joet bah Chính phủ, Thủ tướng Chính phủ, tăch n’gluh nklăp 1.200 mrô công báo...

Nuĭh rblang: Y Sưng Phê Ja