Nkual ƀon têh Đà Lạt (Lâm Đồng) dôl ndăn nkra nkual ƀon têh, nchrăp ăp nkô̆ nău gay ƀư âk nău khlay tâm khay 12 tât gay rƀŏng tât nkah gĭt 130 năm têh jêng n’hanh hun hao. Ndrel đah ăp bôk nău kan rƀŏng tât rhŏ an nuĭh ƀon lan n’hanh năch pâl nđaih tâm rơh dŭt năm, nkual ƀon têh Đà Lạt nchrăp ƀư âk nău ngăn ngên gay mbah rhơn 130 năm têh jêng n’hanh hun hao, kơt:

Lễ hội âm nhạc quốc tế năm 2023; măng tâm nđŭr văn hóa nghệ thuật Việt Nam-Hàn Quốc; mpla nsơ ndơ geh wăng sa-rêh jêng bah nkual ƀon têh Đà Lạt; ƀư nkah gĭt 130 năm Đà Lạt têh jêng n’hanh hun hao, wơt dơn ndơ nkhôm nkual ƀon têh mĭn ƀư mhe mpeh nău âm nhạc yor UNESCO kơp dơn. Wa Đặng Quang Tú, Kruanh UBND nkual ƀon têh Đà Lạt an gĭt, ăp nău ƀư aơ tĭng gưl ƀư tâm khay 12, mông nar âk ngăn bah yan pâl nđaih Đà Lạt-Lâm Đồng. Tă bah nĕ, dŭt ŭch wăch rgum geh âk năch, rgop ntrôl hun hao pâl nđaih lah êng, wăng sa-rêh jêng bah n’gor lah nsum.