N’gâng kan ta ntŭk lĕ ntrơn ngăch ndal du đê̆ rnăk luh ta nkual mbra geh nău tât. Nău ntrơn ntŭk gŭ an ƀon lan geh UBND phường 3, nkuăl ƀon têh Đà Lạt ƀư tâm ôi lơ 5/9, đah 5 rnăk ƀon lan, 13 nuĭh , ta njônh 23 trong An Bình. Ta năp nĕ, ta măng 4/9, nuĭh ƀon lan ta nkual tăng geh nău nteh dŭt têh n’hanh geh saơ kơh taluy prêh klâp ma 15m bâh ntuk njônh aơ geh rluh rlâm, nkre lah rluh pĭch âk neh jurr ƀư an mpir jay bâh wa Nguyễn Văn Phước mbrô 136 trong Hà Huy Tập rlâm. Rnôk geh nău tât, tâm jay geh 6 nuĭh, dŭt lap lah mô geh nuĭh rmanh, lĕ ngăch ntrơn tât ntŭk gŭ êng. Ta năp nău tât bâh mih sial jêr njrăng yor khuch tât phŭt mbrô 3, n’gâng kan ta ntŭk aơ lĕ đă ntrơn 5 rnăk ƀon lan, đah 13 nuĭh tâm nkual geh rluh neh tât ntŭk gŭ đăp mpăn. Nkre lah, nchueng rvêl ntŭk mbra geh nău tât mô dơi njrăng, mât đăp mpăn drăp ndơ n’hanh săk soan bâh ƀon lan.