VOV4.M'nông: Kêng măng 17/1, nkual ƀon têh Đà Nẵng ƀư Tâm nchră an ƀư Bôk nău kan tâm boh pâl nđaih- trong trôk n'hanh ntrŭt ntrôl ngăch trong mpăr hăn tât Đà Nẵng. Bôk nău kan pă an tât đah băl tâm boh pâl nđaih n'hanh rhŏ dŏng trong trôk nchrăp pơk mpông trong mpăr hăn dak bah dih tâm năm 2022 ndrel ăp trong ntop kơl trong trôk dôl ma dŏng aƀaơ. Aƀaơ, tach ndeh păr hăn dak bah dih Đà Nẵng geh trong n'hŭch ntơm bah 10-50% rnoh khlay rhŏ dŏng trong trôk đah bôk ndeh păr hăn dak bah dih; rong an dơm  văn phòng pah kan an ăp Hãng hàng không. Tâm kêng măng 17/1, Sở Du lịch nkual ƀon tê Đà Nẵng n'hanh Công ty Cổ phần Thương mại Duy Anh ký ton si ƀŭt nchih nkah tâm boh ƀư rgum nchră trong mpăr Châu Á 2022. Rgum nchră pơk âk trong mpăr Châu Á 2022 nchrăp ƀư ntơm bah nar 6-8/6/2022, wăch rgum rlău 500 nuĭh ntơh măt bah 110 hãng hàng không, 30 đơn vị leo hăn pâl nđaih jong nar. Aơ lah nar ƀư dơi mpŏng ntơm tay trong mpăr hăn dak bah dih ta Đà Nẵng.

Nuĭh rblang: Điểu Thân