VOV4.M’nông- Ôi nar 14/6, Hội đồng nhân dân nkuăl ƀon têh Đà Nẵng ƀư rơh rƀŭn nchră bôk nău n’hanh ƀư rơh pah kan săch nuĭh kan bâh nău dơi bâh hội đồng nhân dân nkuăl ƀon têh. Ta rơh rƀŭn nchră, Hội đồng nhân dân nkuăl ƀon têh Đà Nẵng lĕ geh mbơh Nghị quyết nglưh nău kan groi kruanh hội đồng nhân dân nkuăl ƀon têh n’hanh nglưh nău kan đah nău kan Đại biểu Hội đồng nhân dân nkuăl ƀon têh khóa 10, năm kan 2021-2026 đah wa Lê Minh Trung.

Ta năp nĕ, ta rơh rƀŭn nchră bâh Ban bí thư yor Tổng Bí thư Nguyễn Phú Trọng leo tơm, Ban bí thư lĕ ntrŭnh rmal đah trong kan: nglưh lĕ nău kan tâm Đảng đah wa Lê Minh Trung, Ủy viên rnâng kan nkuăl ƀon têh, groi Bí thư Đảng đoàn, groi kruanh rnâng kan Hội đồng nhân dân nkuăl ƀon têh Đà Nẵng. Wa Trung lĕ tiăr nti, mât nâp nău mĭn, trong rêh, nău kan ntrŭnh mpeh ăp nău đảng viên mô dơi ƀư, nău ntrŭnh mpeh nău kan hăn lor, kan lor, ƀư tih tâm Luật tâm gŭ ur sai n’hanh rnăk vâl. Ƀư tih bâh wa Lê Minh Trung geh nău mô ueh tâm ntŭk rêh jêng, khuch tât nău knơm bâh ntŭk kan đảng, ntŭk kan ngih dak n’hanh bâh đảng viên.

Nuĭh rblang: Thị Đoắt