VOV4.M’nông-Kêng măng nar 5/5, UBND nkuăl ƀon têh Đà Nẵng leo ƀư rơh uănh nđôi nău kan nchrăp an rơh tâm mâp hun hao trong mpăr châu Á 2022 ta khay 6 tay. Aơ lah nău kan dŭt khlăy đah nkuăl ƀon têh Đà Nẵng tâm nău ndâk nsơm pâl nđaih, ntop pơk trong tay ăp trong mpăr mhe, ntrôl tâm kơl ntuh kơl đah ăp doanh nghiệp hàng không ta lam ntur neh. Rơh tâm mâp hun hao trong mpăr châu Á 2022 geh 19 nău kan tơm n’hanh kơl kan. Tĭng nău mbơh tơih bâh ntŭk kan pâl nđaih nkuăl ƀon têh, kơp tât nar 5/5, geh rlău 400 đại biểu bâh 155 ntŭk kan, n’gâng kan mbơh dăn tât râng tâm mâp. Ta rơh tâm mâp hun hao trong mpăr châu Á 2022 lĕ geh âk bôk nău kan êng yor ăp ntŭk kan, n’gâng kan ta ntŭk leo ƀư kơt lah: rơh tâm mâp Đà Nẵng: Ntŭk tât geh nău dơi bâh châu Á” vơt n’hanh pah kan đah ăp nuĭh ntuh kơl hàng không- pâl nđaih, pla n’hơ ăp ntil ndơ OCOP...ăp nău kan nchrăp kan dôl geh Đà Nẵng nchrăp n’hanh ƀư lôch ta năp nar 25/5 tay.

Nuĭh rblang: Thị Đoắt