Nar aơ lơ 9/12, Quốc hội dŏng mông nar gay tâm nchră mpeh nau mbơh nau kan bah Chánh án Ngih phat dôih ƀon lan gưl prêh, Kruanh Viện kiểm sát ƀon lan gưl prêh, nau kan njrăng rdâng phung tih dội ndrel tih pháp luật; nau kan ƀư mhal dôih; nau kan njrăng rdâng sa khâm năm 2025; nau tă geh mêt uănh geh rklaih nau đă bah cử tri njoăl tât rơh rƀŭn tal 9, Quốc hội gưl 15; nau tă geh vơt ƀon lan, rklaih săm phŭt phong dôih, nchŭt lah bah ƀon lan năm 2025. Ngoai tâm ăp nkô̆ nau geh ăp ntoh măt Quốc hội uănh kơl an lah nau rgâl mhe tâm nau njrăng rdâng sa khâm săk tam lơn tâm rơh tât. Ăp ntoh măt kơp dơn năm 2025, nau kan njrăng rdâng sa khâm hŏ geh âk nau dơi.

Nau saơ, rklaih sa khâm, nau khuch bah nau ƀư mêt uănh, kiểm toán lŏ geh ntrŭt dăng. Nau mêt uănh, mhal ăp nau tih sa khâm hŏ geh ƀư tĭng nau ntrŭnh bah pháp luật. Âk nau tih sa khâm têh, lơh khuch jâk lŏ geh rklaih mhal; nau tih bah âk cán bộ, công chức, tâm nê geh n’ăp rđau kan tâm Bộ Chính trị, Ban Bí thư mât geh ƀư kloh. Nau kan sŏk lơi drăp ndơ sa khâm tâm rnôk geh mêt uănh geh săk tam ngăn. Ăp ntoh măt đă lŏ ƀư ăp nau kan gay n’hao nau dơi njrăng rdâng ƀư kan tơm, njrăng rdâng nau sa khâm tă bah ơm, bah ngai./.