Ntoh ngơi ta rơh rƀŭn nchră, Thủ tướng Phạm Minh Chính an gĭt.l bơi 2 khay ba năp, Chính phủ, Thủ tướng Chính phủ ndrel đah ăp n’gâng kan, ăp ntŭk kan dăch dak lêng lĕ dŭt răng dăng, rgum âk nău kan ƀư tĭng khlay njrăng rdâng sŏk dŏng IUU đah nkô̆ ŭch “Nsrôih rdâng đah sŏk dŏng IUU, nsrôih doh nău nchueng rvêl bâh EC đah nău kan joi ka Việt Nam tâm năm 2025. Thủ tướng đă rgum rdâk njêng mbơh tơih tĭng nău dăn đă bâh EC, lah nău mbơh tơih ê hŏ geh ƀư an geh uănh tay, geh ntŭk kan na nê̆, pă ka na nê̆. Mbơh kloh ăp nău ngluh mbơh kan dĭng jŏ, nuĭh ƀư, mhâm ƀư, geh nkô̆ kan tât dŭt năm 2025 lah an geh doh jăng nău nchueng rvêl IUU. Nkre lah, Thủ tướng mbơh nkô̆ mpŏng kan  mô dơn doh jăng nău nchueng rvêl bâh EC ma hôm nha khlăy lơn lah hun hao nâp nâl bâh n’gâng kan tui kan Việt Nam, mât uănh nău kan sŏk dŏng n’hanh nhup tui ka geh nău dơn kan, geh gĭt na nê̆ tu tơm, mât geh rnoh tui ka, lĕ rngôch yor nău geh ueh bâh neh dak, bâh mpôl rnoi, yor nău geh ueh bâh ƀon lan.