Kêng măng 9/12, ta Ngih Quốc hội, Kruanh Quốc hội Trần Thanh Mẫn râng ƀư n’glôch jêh nău kan bah Rmôt bu ur đại biểu Quốc hội Việt Nam khóa 15. Ntoh ngơi ta ƀư n’glôch jêh, Kruanh Quốc Trần Thanh Mẫn an gĭt, tâm năm tât, geh âk nău ƀư khlay kơt: Săch têh Quốc hội Việt Nam; Đại hội tâm rlong rŏng dak n’hanh săch Đại biểu Quốc hội khóa 16 n’hanh Đại biểu Hội đồng nhân dân ăp gưl năm kan 2026-2031.

Kruanh Quốc hội Trần Thanh Mẫn mpŏng ŭch: Bôl ta moh nău kan ri ăp đồng chí rgop tay an Quốc hội, an Hội đồng nhân ăp gưl, gay Quốc hội mô rlu têh dăng lơn tay, mât uĕh di nău ƀư tơm, gưl kan lập hiến, ndâk njêng pháp luật, groi nđôi gưl prêh n’hanh nău ntrŭnh ăp nău khlay bah neh dak. Kruanh Quốc hội nsing nơm, tâm năm kan Quốc hội Khóa 16, rnoh bu ur Đại biểu Quốc hội dơi geh kơt nău rƀŏng n’gluh an.