Kêng măng 9/12, ta Ngih Trung ương Đảng, Tổng Bí thư Tô Lâm lĕ wơt Thư ký Hội đồng rnă njrăng Liên bang Nga Sergey Shoigu tâm rnôk rơh khâl pah kan ta Việt Nam. Mâp rhơn wa Shoigu n’hanh Mpôl đại biểu gưl prêh Hội đồng Rnă njrăng Nga hăn khâl Việt Nam, Tổng Bí thư Tô Lâm mĭn lah rơh khâl aơ geh nkô̆ nău khlay, rgop n’hao lơn tay kan ndrel đah ăp ngih pah kan chuyên trách 2 dak tâm ntil nău rnă njrăng, mât njrăng bri dak n’hanh âk ntil nău kan ndrel têh khlay êng.

Tổng Bí thư lah rjăp Việt Nam nchrăp ntrôl n’hanh ƀư ntung nthoi, mpông pơk gay Liên bang Nga n’hao kan ndrel âk ntil đah ASEAN n’hanh ăp dak ASEAN. 2 ding tâm rgâl mpeh ntrôl ăp ntil kan ndrel êng n’hanh tâm ban ŭch n’hao ăp trong kan ndrel wăng sa-tăch rgâl, pơk hvi kan ndrel tâm ŭnh nar, prĭng xăng, lŏ mir, nkra njêng măy n’hanh công nghệ mhe; nkre ntrŭt đă n’hao tâm rgop đah ăp ntŭk, doanh  nghiệp n’hanh hiệp hội wăng sa 2 dak gay ntop n’hâm soan mhe an tâm boh kan ndrel ăp ding.