Nar 8/11, Quốc hội nthoi tay rơh ôp rkhêl đah ăp trong kan: khoa học n’hanh công nghệ; ntĭm n’hanh nti; văn hóa, thể thao n’hanh pâl nđaih; dak si; nuĭh kan, thương binh n’hanh xã hội; thông tin n’hanh truyền thông. Ngoăy tâm ăp nkô̆ duh ndal dơi nău lư uănh khlay aƀaơ lah nău tâm lơh kon se hăn nti. Tâm ôp đah Bộ trưởng Bộ Giáo dục n’hanh Đào tạo mpeh nău ngăn geh dja, đại biểu Nguyễn Thị Xuân an gĭt: rĭng ăp năm nti lam dak hŏ geh rlău 1.500 tơ̆ tâm lơh kon se nti tâm n’hanh bah dih nhih nti; ndjăt 5.200 kon se nti ri geh 1 hê kon se tâm lơh…... Đại biểu Nguyễn Thị Xuân dăn đă Chính phủ ân uănh khlay lơn đŏng tât nkô̆ nău dja.

Bộ trưởng Bộ Giáo dục n’hanh Đào tạo Nguyễn Kim Sơn lah rjăp, nău khlay njêng jâng nsing n’gu tơm gay nkra dơi nkô̆ nău dja nê lah an ƀư dŭt jăp bôk nău kan ntĭm nti Giáo dục phổ thông 2018 đah nău ŭch hun hao kon nuĭh, nkô̆ nău n’hao uĕh nuih n’hâm kon nuĭh Việt Nam. Ân n’hao nău blău nkra ăp nkô̆ nău ntoh luh đah kon se nti nơm. Ân n’hao âk tiăr nti mpeh nău hăr blău nkra ăp nkô̆ nău ntoh luh đah kon se nti. Bơi tât mbra geh tay du ntŭk kan way mbơh nti mpeh nău mĭn kon se nti./.