Năm aơ, Ngih sam ƀŭt Đại học Tây Nguyên kơt dŏng âk trong ƀư săch đại học gay nta nơih, n’hao tay dơi lăp nti an ăp kon hŏk. Ngih sam ƀŭt nchrăp săch 2.900 rnoh nuĭh đại học chính quy an 35 nău kan ntĭm nti, mpeh ăp rmôt nău kan: Săk soan, nông lâm, sư phạm, kinh tế. Tâm nĕ geh 1 nău kan mhe tâm di nău ŭch pah kan bah nău rêh lah nău kan Sư phạm Khoa học Tự nhiên.

Sinh viên tốt nghiệp nău kan aơ ntĭm nti môn Khoa học tự nhiên gưl THCS tĭng bôk nău ntĭm nti mhe. Ngih sam ƀŭt Đại học Tây Nguyên kơt dŏng 4 trong săch nti geh: Uănh an tĭng điểm tâm rlong tốt nghiệp trung học phổ thông năm 2023, uănh an học bạ THPT, uănh an tĭng điểm uănh lah nău dơi nti bah Đại học Quốc gia nkual ƀon têh Hồ Chí Minh n’hanh uănh săch dâl tĭng trong ƀư bah N’gâng kan ntĭm nti. Nău rgâl âk trong ƀư săch nti gay nta nơih, ntop tay dơi săch nti an ăp kon hŏk. Nkre, kơl ngih sam ƀŭt săch geh âk kon hŏk tŏng dơi nti n’hanh tâm di đah geh êng bah ăp bôk nău ntĭm nti.