VOV4.M’nông – Đại hội đại biểu Bu ur lam dak rơh tal 13, năm kan 2022-2027 mbra ƀư bah 9 tât 11/3/2022. Aơ lah năm kan bôk năp ƀư tĭng hun hao Hội Liên hiệp bu ur Việt Nam tât năm 2030, uănh tât năm 2035. Aơ lah nău mbơh dơi Hội Liên hiệp Bu ur Việt Nam an gĭt ta nar rƀŭn mbơh ôi (1/3) ta Hà Nội. Đah bôk nău “Mât uĕh nău way ơm, tâm rnglăp mĭn ƀư mhe, yor nău uĕh lăng bah neh dak”, Đại hội đại biểu Bu ur lam dak rơh tal 13 mbra uănh lah ntrong leo bu ur n’hanh nău kan Hội Liên hiệp bu ur Việt Nam năm kan 2017-2021, dăn đă nău rƀŏng, trong nchrăp nău kan, ăp nău ƀư mhe tâm năm kan 2022-2027 n’hanh săch Ban chấp hành Hội Liên hiệp bu ur Việt Nam khóa 13. Nchrăp, đại hội geh 1.000 đại biểu na nê̆ lah ăp bu ur ntoh lư, ntoh măt an ăp rmôt bu ur, ăp rnoi mpôl, chroh rƀŭn n’hanh ăp nău kan êng tâm lam dak râng.

Nuĭh rblang: Y Sưng Phê Ja