Geh Tổng Liên đoàn Lao động Việt Nam săch ƀư Đại hội rlong lor bah rmôt 10 Liên đoàn Lao động n’gor nkuăl Nam trung Bộ ndrel Tây Nguyên, tâm 2 nar lơ 25-26/7, ta nkuăl ƀon têh Kon Tum geh nau ƀư Đại hội Công đoàn n’gor Kon Tum tal XI, năm kan 2023-2028. Đah nkô̆ nau kan “Râl mhe-ƀon lan ƀư tơm-tâm rnglăp-hun hao”, Đại hội Công đoàn n’gor Kon Tum tal XI, năm kan 2023-2028 hŏ lôch, nchră tât nau ƀư nau ntrŭnh Đại hội tal X, năm kan 2018-2023, năl nkô̆ nau, nau rƀŏng, nau kan bah công nhân, viên chức, nŭih pah kan ndrel nau kan công đoàn năm kan 2023-2028.

Năm kan rlau aơ bol ma mâp âk nau jêr, ntul rlong, ngăn lah geh nau khuch bah sê Covid-19, yơn nau kan công đoàn n’gor Kon Tum geh âk nau dơi khlay. Ăp gưl kan công đoàn ƀư ueh nau kan ntoh măt, mât nau dơi, geh dơi tâm di pháp luật bah đoàn viên ndrel nŭih pah kan. Đại hội Công đoàn n’gor Kon Tum tal XI, năm kan 2023-2028 hŏ săch Rnâng kan rđau kan Liên đoàn Lao động n’gor năm kan mhe đah 32 nŭih, săch 8 nŭih hăn râng Đại hội XIII Công đoàn Việt Nam. Wa Rơ Chăm Long lŏ geh săch ƀư tay Kruanh Liên đoàn Lao động n’gor Kon Tum./.