VOV4.M’nông: Ôi lơ 9/3, ta Hà Nội geh rơh rƀŭn bôk năp Đại hội ntoh măt bu ur lam dak tal 13, năm kan 2022-2027. Râng geh du rbăn ntoh măt bu ur ntoh lư, ntoh măt ân ăp rmôt bu ur, ăp rnoi, ăp mpôl chroh ndrel ăp nau kan êng êng tâm lam dak. Đại hội geh ntơm lơ 9/3 tât lơ 11/3. Đah nkô̆ “ƀư ueh nau vay tâm rnglăp, blau mhe, yor nau nâp nâl bah neh dak”, Đại hội nchră nau kan bu ur ndrel ăp nau kan rmôt kan bu ur Việt Nam rơh rlau aơ, đă nau kan, rƀŏng nau kan, ăp nau kan mhe tâm năm 2022-2027 ndrel săch luh rnâng kan rđau kan rmôt bu ur Việt Nam gưl 13. Ta nar rƀŭn bôk năp, ăp ntoh măt nchră săch Rmôt kan kruanh Đại hội, rmôt thư ký Đại hội, nchră bôk nau kan Đại hội ndrel nau nchrăp kan Đại hội. Bah năp nê, ăp ntoh măt hŏ lăp Lăng chop Kruanh Hồ Chí Minh, ân kao tâm rup ndah ăp tahen janh dăng ơm Bắc Sơn./.

Nŭih rblang: H’Thi