VOV4.M’nông: Jêh 2 nar pah kan, ôi 14/10, Đại hội ntoh măt Đoàn druh ndăm Cộng sản Hồ Chí Minh n’gor Gia Lai tal XV (năm kan 2022-2027) geh nau dơi ueh. Đại hội hŏ nchră luh ăp nkô̆ nau bah năm kan 2022-2027. Tâm nê, ăp năm, 100% cán bộ Đoàn, đoàn viên, 80% druh ndăm geh ntĭm nti, nkoch trêng, mbơh nau ntrŭnh, nau kan bah Đảng, nau ntrŭnh pháp luật bah Ngih dak ndrel nau ntrŭnh, nchră mbơh bah Đoàn. Ƀư pơk hvi ăp nŭih blau kan, ăp nau nkoch ueh tâm nau ntĭm nti ndrel pah kan tĭng nau mĭn, nau rêh, nau kan bah Hồ Chí Minh.

Ăp năm, tăm mhe đê̆ ngăn 300 rbăn tơm si. Tâm rgop nau mbơh, ntĭm nti nau kan ân rlau 40 rbăn nŭih druh ndăm rnoi mpôl đê̆, mbơh, pă kan pah ân 20 tŏ nŭih druh ndăm...Đại hội hŏ săch Rnâng kan Đoàn n’gor Gia Lai gưl XV geh 40 nŭih, Rnâng kan Đoàn n’gor geh 11 nŭih, ăP ntoh măt kŏ săch 11 nŭih ntoh măt râng Đại hội ntoh măt Đoàn druh ndăm Cộng sản Hồ Chí Minh lam dak tal XII, năm kan 2022-2027./.

VOV/Nŭih rblang: H’Thi