Ôi lơ 13/12, ta Hà Nội, hŏ geh nar ƀư Đại hội ntoh măt lam dak Rmôt nŭih cheh măt Việt Nam tal 10, năm kan 2022-2027. 5 năm rlau aơ, bol ma mâp âk nau jêr yor srê Covid-19, yơn ăp ding bah nau rêh bah Rmôt nŭih cheh măt Việt Nam kŏ geh dơi kơt nau nchrăp, ƀư tĭng ueh nau dơi lah ntŭk ngih nsum bah rlau 74 rbăn nŭih.

Năm kan 2022-2027, rmôt nŭih cheh măt Việt Nam lŏ n’hao nau mêt uănh, mbơh nau, đă đah Đảng, Ngih dak mpeh ăp nau kan geh tât nŭih rven rvo, cheh măt, pơk hvi ăp nau kan ê nkra, pă kan pah đăp mpăn, n’hao nau nâp tâm nau rêh nŭih cheh măt. Râng ndrel ntoh nau tâm nar rƀŭn, Kruanh Ban Dân vận Trung ương Bùi Thị Minh Hoài đă ăp gưl kan hội lŏ ntrŭnh ƀư ăp nau ntrŭnh bah Đảng ndrel Ngih dak tât đah ăp nŭih, ntrŭnh ƀư nau ntĭm nti play săm ƀŭt, nti kan, n’hao nau dơi ân ăp cán bộ hội viên. Ngăn lah, uănh kơl an âk lơn tât rmôt kan tâm nkuăl yôk, nkuăl jru, ngai, nkuăl jêr jŏt./.