VOV4.Mnông. N’gâng kan mât uănh nuĭh pah kan bâh dak bah dih (N’gâng kan lao động thương binh n’hanh xã hội an gĭt; lôch tă geh tăch proăt yor nuh srê covid-19 ntoh luh, bẩ nar 15/2, Đài Loan Trung Quốc pơk mpông, dơn lĕ rngôch nuĭh pah kan bâh dak bah dih bâh Việt Nam, Indonesia, Thái Lan n’hanh Philipin tât pah kan. Aơ lah rơh nkhêp an nuĭh pah kan ŭch tât ta Đài Loan Trung Quốc pah kan, đah rnoh prăk khăy klâp ma 20 rkeh prăk/khay. Ê lor tât ta Đài Loan Trung Quốc pah kan, nuĭh pah kan an geh chuh tŏng vacxin Covid-19 n’hanh xét nghiệm PCR 48 mông ê lor hăn. Lôch geh tât ta dak aơ, nuĭh pah kan an geh gŭ nglah êng 14 nar ta khách sạn, lôch nĕ uănh nđôi săk soan tâm 7 nar tay ê lor tât ntŭk pah kan. Ăp rnoh prăk an gŭ êng ta khách sạn gay ma njrăng rdâng nuh srê Covid-19 mbra yorr nuĭh tơm dơn nuĭh kan trok an. Rlău ma nuĭh pah kan tâm ăp ngih máy n’hanh kơl kan ta rnăk vâl êng, Việt Nam n’hanh Đài Loan Trung Quốc lĕ tâm ton mpeh đah dơn nuĭh kan ƀư mpeh n’gâng kan tuch tăm bâh Việt Nam.

          Nuĭh rblang: Thị Đoắt