Ta thủ đô Suva, Đại sứ Việt Nam ta New Zealand Nguyễn Văn Trung, nkre dơn mât kan 3 dak gôl Nam Thái Bình Dương hŏ ndơ̆ siƀŭt neh dak bah kruanh dak Võ Văn Thưởng tât Tổng thống Cộng hoà Fiji Ratu Wiliame Maivalili Katonivere. Tổng thống Fiji mbah rhơn Việt Nam mpeh nău dơi tâm rơh rdâng lơh đah nuh srê Covid-19 n’hanh geh rnoh ngăch dâk hao tay n’hanh hun hao wăng sa nkah uĕh aƀaơ.

Fiji ŭch rŏng tâm bơh n’hanh kơt nti nău tă ơm gĭt kan bah Việt Nam tâm ăp trong kan ma Việt Nam geh suan dăng mhe nkoch n’hanh Fiji dôl an lor trong tâm boh đah dak bah dih. Đại sứ mpơl nău ŭch rŏng bar ding ơm geh ăp siƀŭt tâm di, nta trong tâm boh geh nău tam đah bar dak tâm ăp trong kan tăch rgâl, ntuh kơl, prăk kaih, tâm ban kơt geh tât nău rsong hăn bah nuĭh ƀon lan bar dak. Đại sứ dăn đă Fiji nta trong dơh an nuĭh Việt gŭ rêh ta Fiji tâm ban kơt ăp doanh nghiệp Việt Nam dôl tâm boh, wăng sa ta dak gôl đŏng./.