VOV4.Mnông- Đại sứ Việt Nam ta Hoa Kỳ Nguyễn Quốc Dũng lĕ geh rơh tâm nchră đah wa bu ur Sarah Bianchi, groi kruanh ndơn kan tăch rgâl Hoa Kỳ. Bar ding lĕ tâm ban ŭch mpeh nău khlăy bâh trong kan ntrôl ăp rơh tâm nchră mpeh nău wăng sa- tăch rgâl đah Hoa Kỳ đah ta nkual n’hanh Việt Nam. Ta rơh tâm mâp, Đại sứ Nguyễn Quốc Dũng n’hanh wa bu ur Sarah Bianchi rnê âk nău hun hao wăng sa- tăch rgâl đah bar dak tâm ba năp nơh. Bar ding tâm mbơh mpeh du đê̆ nău tâm kơl n’hanh mât uănh nsum ta nău tâm boh kan tăch rgâl Việt Nam-Hoa Kỳ n’hanh tâm ban ŭch mpeh nău khlăy bâh nău kan ntrôl ăp rơh tâm kơl mpeh wăng sa-tăch rgâl đah Hoa Kỳ đah ta nkual n’hanh Việt Nam. Đại sứ Nguyễn Quốc Dũng ŭch bar ding mât ueh nău tâm kơl, tâm nchră ueh đah ăp nău hôm e êng. Groi ndơn kan tăch rgâl Mỹ Sarah Bianchi dŭt rhơn geh jă Đại sứ Nguyễn Quốc Dũng tât Thủ đô Washington, ŭch mbra geh pah kan na nê̆ đah Đại sứ n’hanh Đại sứ Việt Nam gay ma ntrôl nău tâm kơl wăng sa tăch rgâl đah bar ding.

Nuĭh rblang: Thị Đoắt