VOV4.Mnông-“Ôi nar 11/2, ta 58 Quán Sứ, Hà Nội, Đài Tiếng nói Việt Nam ƀư rơh kahgĭt nar ntoh ngơi lam ntur neh đah bôk nău “ntoh ngơi n’hanh nău tâm knơm” n’hanh tâm nchră na nê̆ mpeh nău kan n’hanh trong hăn bâh ntoh ngơi tâm nău mhe gay ma nău ntoh ngơi na nao lah nău tâm knơm đah nuĭh djăt. Ta rơh tâm nchră, ăp nuĭh way kan tâm dak n’hanh dak bah dih lah na nê̆, ntoh ngơi hôm nha lah ntŭk mbơh nău mhe knơm, ngăch, tât ăp ntŭk, yơn lah an geh n’hao tay nău dơi êng păng nơm gay ma geh ueh lơn đah ƀon lan. Đah nău hun hao bâh công nghệ, ntoh ngơi hôm nha lah nău an saơ mpeh nău âk ueh đah âk ntil nău mhe, âk nău ngơi n’hanh âk trong kan ta ăp nuĭh ntoh ngơi. Ăp nuĭh way kan an lah báo chí lah nsum n’hanh ntoh ngơi an geh rgâl mhe êng nơm, n’hao ăp nău dơi êng geh bâh nơm bâh ntil báo chí ntoh lư êng, ndơ̆ nău mbơh ngăch, tâm di, knơm n’hanh ngăn lah an geh ƀư ueh gay ma n’hao nău tâm knơm bâh ƀon lan.

Nuĭh rblang: Thị Đoắt