Ôi 10/2, Đại tướng Trịnh Văn Quyết, Kruanh Ban Tuyên giáo n’hanh Dân vận Trung ương ndrel mpôl pah kan bah Hội đồng săch Ngih dak lĕ groi nđôi trong kan nchrăp săch đại biểu Quốc hội khóa 16 n’hanh đại biểu Hội đồng nhân dân ăp gưl năm kan 2026-2031 ta n’gor Quảng Ngãi. Ntoh ngơi n’glôn jêh nar pah kan, Đại tướng Trịnh Văn Quyết uănh lah prêh nău nchrăp lor, uĕh di bah n’gor Quảng Ngãi tâm trong kan nchrăp săch.

Đại tướng Trịnh Văn Quyết an lah ăp nău ƀư, tâm nchră, nchrăp nuĭh kan, đăp mpăn rnă njrăng lĕ dơi ƀư rjăp, di nău ntrŭnh. Wa Trịnh Văn Quyết lah, rơh săch aơ ƀư tâm rnôk n’gor ƀư tĭng n’gâng kan ƀon lan 2 gưl, jêh dăp ntŭk kan hành chính, ntŭk ndrâm têh, du gưl cán bộ bah dâng rơh bôk năp râng trong kan săch. Yor rĭ, n’gor Quảng Ngãi an n’hao tiăr nti nău kan, kơp uănh rjăp săk nuĭh ƀon lan, ngăn lah ta ăp nkual công nghiệp geh rnoh nuĭh ƀon lan rgâl têh.