Ôi lơ 21/4, ta nkuăl ƀon têh Buôn Ma Thuột, UBND n’gor Dak Lak, nuĭh tă gŭ ndrung rŏng dak ntoh n’gôr ƀư rơh kahgĭt 50 năm mplơ̆ nuĭh gŭ ndrung tĭng Hiệp định Paris (1973-2023).

Tât râng lễ kahgĭt geh rlău 150 nuĭh tă gŭ ndrung, nuĭh gŭ ndrung chính trị geh mpôl rlăng nhup krŭng ta rơh tâm lơh đah Mỹ. Ta rơh kahgĭt, ăp đại biểu lĕ nkah tay nău way ơm tâm lơh têh dăng bâh nuĭh tahen cách mạng Việt Nam. ndơn kan an nuĭh leo kan n’gor Dak Lak lĕ njoăl nău lah ueh tât ăp tahen tă gŭ ndrung rŏng dak, ŭch ăp nuĭh aơ geh tay nău ntop kan, mbơh tơih tâm ban kơt mbơh nti an rơh mom n’hao nău mĭn kan cách mạng ta trong rdâk njêng mât ngih dak. Nkre lah, njoăl nău ôp khâl tât nuĭh bên, băl mpôl n’hanh pă an ăp nklâm ndơ an ăp nuĭh tă gŭ ndrung.