VOV4.M’nông: Rđau kan N’gâng kan mât ntŭk ƀư nau kan tăch rgâl bah n’gor Dak Lak mbơh, bah năp âk ntŭk tăch dak pring căng lam dak ntâl mpông, rlu nau kan, Rmôt kan mât nau kan tăch rgâl bah n’gor Dak Lak hŏ n’hao nau mêt uănh nau kan tăch rgâl dak peing căng tâm n’gor ndrel saơ âk ntŭk tăch dak pring xăng ntâl mpông. Ngăn lah, rmôt kan mât nau kan tăch rgâl saơ 19 ntŭk tăch pring xăng ntâl mpông, mô hôm kan.

Tâm nê, geh 16 ntŭk tăch lĕ lĕ, 3 ntŭk nsrŭng tăch yor nŭih tăch kuet, nŭih tơm tăch geh F1 ndrel  djơh cò bơm. Ăp ntŭk nsrŭng tăch tâm ăp nkuăl Cư M’gar, Krông Năng, Buôn Đôn, nkuăl ƀon têh Buôn ma Thuột. Tâm rơh tât, N’gâng kan mât nau kan tăch rgâl bah n’gor Dak Lak mra n’hao nau kan mêt uănh nau kan tăch rgâl gay ma năn geh ăp nau đă, gay ma doh rklaih ân ăp ntŭk kan tăch rgâl, nkre ơm saơ ndrel ma rklaih mhal ân rjăp ăp nŭih ndăn, têm ndơ gay ma tăch khlay lah geh./.

Nŭih rblang: H’Thi