Ôi 13/6, Trung ương Hội Sinh viên Việt Nam pah kan đah Hội Sinh viên Việt Nam n’gor Dak Lak, mâp măt n’hanh an prăk kơl hăn nti an 20 sinh viên nuĭh rnoi mpôl đêt ntoh lư tâm n’gor. Tĭng Hội Sinh viên Việt Nam n’gor Dak Lak, lam n’gor aƀaơ geh rlău 12.500 sinh viên, tâm nĕ geh 3.800 sinh viên nuĭh rnoi mpôl đêt dôl nti ta 12 ngih sam ƀŭt đại học, cao đẳng ta n’gor.

Rnôk aơ, Hội sinh viên ăp ntŭk tâm n’gor Dak Lak dôl ƀư n’glôch jêh trong kan hội n’hanh ntrong leo sinh viên năm nti 2022-2023, mbơh ƀư ăp nău kan bah nău kan druh ndăm kơl kan khay mih, nchrăp an Rgum tâm rlong Olympic Mác-Lênin “Ŭnh ang sol trong” n’hanh Rwach gưl n’gor Rgum tâm rlong “Vũ điệu tiếng Anh kon hŏk, sinh viên” rơh tal 3, kơt bôk nău ndrel ƀư “Vũ điệu bah Dak lêng” êp ƀư. Di rơh aơ, Trung ương Hội Sinh viên Việt nam lĕ an 20 nklâm prăk kơl hăn nti, du hê khlay 2 rkeh prăk an ăp sinh viên rnoi mpôl đêt ntoh lư geh âk nău dơi tâm nău kan n’hanh râng trong kan đoàn, hội.