VOV4.M’nông: UBND n’gor Dak Lak mhe ntrŭnh nau nchrăp mrô 15 mpeh nau ntrŭnh ƀư nau kan kơl an nti kan, leo nŭih hăn kan plơ̆ pah kan, pă ân nau kan ân ăp nŭih bah n’gor sĭt tă bah ăp n’gor, nkuăl ƀon têh mpeh ba dâng yor geh nau khuch bah srê Covid-19. Tĭng nê, nkô̆ nau ndơ̆ luh lah 100% rnoh nŭih pah kan bah n’gor Dak Lak (nklăp rlau 40 rbăn nŭih) sĭt tă bah nkuăl geh srê tâm năm dôl pah kan dôl ŭch geh kơl nti kan, pă kan tâm n’gor.

Pă mô lah sĭt ntŭk pah kan ơm geh ndơn nau kơl an. Rơh geh ƀư ntơm bôk năm aơ tât lôch năm 2023, đah rnoh prăk nchrăp 248 rmen. N’gor Dak Lak mra ntrŭt dăng nau ƀư mbơh nau kan, ntĭm nti nau kan ân tâm di ngăn, đăp mpăn tam ueh, n’hao nau ntĭm nti kan pah tâm rgop nsum ma ăp ntŭk pah kan, ntŭk ƀư kan tăch rgâl, ê nkra, mbơh pă kan pah ân nŭih jêh lôch nti kan./.

Nŭih rblang: H’Thi