VOV4.M’nông: Kêng măng 5/10, Rmôt druh ndăm Việt Nam n’gor Dak Lak ƀư nau ntơm nau tâm rlong Ndâk nau kan tăch rgâl n’gor Dak Lak năm 2022. Jêh rlau 2 khay rgŏ jă, rơh tâm rlong ndâk ƀư nau kan tăch rgâl bah n’gor Dak Lak năm aơ hŏ ndơn geh rlau 100 bôk nau kan, nau ƀư tâm rlong bah ăp nŭih râng rlong tâm ndrel bah dih n’gor râng. Ăp nau kan tâm âk ntrong, ƀư kơt lah: Ê nkra tăch ndơ ndơ tuch tăm, mât rong, rong mpa, tăch rgâl. Bah nau tâm rlong bôk năp,

Rnâng kan săch 80 bôk nau kan râng tâm rlong mbơh ngăn tâm rơh ba kơi. Nô Y Lê Pas Tơr, Groi Bí thư Rnâng kan Đoàn n’gor, Kruanh rmôt druh ndăm Việt Nam n’gor Dak Lak mbơh, jehe 3 rơh tâm rlong ƀư, rơh tâm rlong năm aơ ân saơ nau ntuh kơl bah ăp nŭih râng rlong đah ăp nau kan hŏ dơi geh ƀư ngăn đah ăp ntil ndơ ueh ngăn./.

VOV Tây Nguyên/Nŭih rblang: H’Thi