VOV4.M'nông: Ta xã nkual jru Krông Nô, nkuâl Lăk, n'gor Dak Lak, Tỉnh đoàn Dak Lak ƀư rơh Tâm rlong nkoch trêng pháp luật, njrăng tih djơh tâm nău rêh ta đoàn viên druh ndăm năm 2022. Aơ lah nău kan gay n'hao nău gĭt êng n'hanh wât pháp luật bah đoàn viên druh ndăm n'hanh nuĭh ƀon lan ta ăp nkual jru, nkual ngai.

Râng rơh tâm rlong geh 50 nuĭh lah đoàn viên druh ndăm ta xã Krông Nô, nkuâl Lăk. Đah 2 gâl tâm rlong nău gĭt blău n'hanh ƀư njêng mhe, nuĭh lăp tâm rmôt tâm rlong dơi joi gĭt mpeh nkô̆ tơm n'hanh ăp si ƀŭt kơi ntop rgâl bah Luật giao thông đường bộ; Luật druh ndăm rgâl nkra kơi ntop năm 2020; Luật Nghĩa vụ quân sự; Luật njrăng n'gang ma túy; Luật njrăng, n'gang tât khuch bah su mhât. Ndrel đah nê, ăp đoàn viên druh ndăm hôm râng ăp nău pâl rlưn rgŏ jă; joi gĭt mpeh ăp ntil si ƀŭt pă an gĭt pháp luật.

Nuĭh rblang: Điểu Thân