Ôi 14/6, HĐND n’gor Dak Lak ƀư rơh hop way nkô̆ tâl 9, khóa X, năm kan 2021 - 2026 gay ŭanh an dŏng âk nghị quyết khlay geh tât hun hao wăng sa- rêh jêng kon nuĭh bah n’gor. Tâm rơh hop dja, HĐND n’gor Dak Lak hŏ kơi ntop sơch Groi kruanh UBND n’gor khoá X, năm kan 2021- 2026.

Ta rơh hop, ăp nuĭh hŏ mĭn uănh, năl di n’hanh an dŏng siƀŭt mbơh rblang, siƀŭt mbơh uănh năl di tay n’hanh trong nchrăp nghị quyết mpeh ŭanh an dŏng prăk ngân sách n’gor năm 2021; rnoh khlay ndơ geh ƀư, rhŏ dŏng dak bât năm 2022 đah dak bât dŏng tơm prăk Ngih dak ta n’gor; quy định nkô̆, rnoh dŏng kơl nchâp đă ât ma túy, pah kan gŭ ât êng ma túy ta rnôk wâl, ta ƀon lan, ntŭk gŭ ât ma túy n’hanh mât njrăng lôch ât ma túy ta n’gor; trong ntop kơl đah nghệ nhân ta n’gor Dak Lak, lvang năm 2023- 2025. Ta rơh hop hŏ kơi ntop sơch Groi Kruanh UBND n’gor đah wa Nguyễn Thiên Văn, Tỉnh ủy viên, Bí thư Huyện ủy, Kruanh HĐND nkuâl Ea Súp đŏng. Đah rnoh phiếu sơch geh tât 98,5%, wa Nguyễn Thiên Văn dơi lăp ƀư Groi Kruanh UBND n’gor khóa X, năm kan 2021 – 2026./.