VOV4.M'nông: Geh tât lơh n'hang bơi 100ha bri ta nkuâl Lăk, Sở Nông nghiệp n'hanh Phát triển Nông thôn n'gor Dak Lak hŏ geh si ƀŭt njuăl đă Chi cục Kiểm lâm ndăn ƀư nchih si ƀŭt rmal, ƀư kloh nău dơn kan bah ăp mpôl, ăp nuĭh geh tih. Lôch lơh n'hang bơi 400 ha bri ta xã Ya Tờ Mốt, nkuâl Ea Súp, nhih pah kan dơi kan n'gor Dak Lak geh mbơh tay mbro ăp nău tih êng ƀa ƀă, ta ăp xã: Ia R’vê, Ia Lốp (mpeh nkuâl Ea Súp), xã Đắk Phơi n'hanh xã Krông Nô (nkuâl Lăk).

Tâm rnoh bri geh lơh n'hang, geh 25ha bri tu dak nching sial. Wa Nguyễn Quốc Hưng-Chi cục trưởng Chi Cục kiểm Lâm n'gor Dak Lak an gĭt: Aơ lah nău ma ăp rơh lơh n'hang bri geh dŭt hô, nhih pah kan dôl ndăn ngăch ƀoi tĭng nuĭh tih n'hanh nchih si ƀŭt gay rmal. Nkre, Chi cục Kiểm lâm n'gor mbra ƀư kloh nău dơn kan bah ăp nuĭh, ăp mpôl geh tât nău lơh n'hang bri ma mô ban saơ, nking nchăng năn ngăch./.

Nuĭh rblang: Điểu Thân