Nar 27/7, Ban chấp hành đảng bộ n’gor Dak Lak ƀư “Rƀŭn nchră kiểm điểm n’gul gâl năm kan ƀư tĭng nghị quyết đại hội đại biểu đảng bộ n’gor rơh tal 17, năm kan 2020-2025”. Mbơh ta rƀŭn nchră, năm kan rơh aơ, N’gor ủy Dak Lak lĕ n’gluh an 6 nău kan, 3 nău mhe, tâm hun hao wăng sa rêh jêng. Rlău 2 năm n’gul mbơh ƀư tât aƀaơ, ăp nău kan ntơm geh nău đă n’gluh an.

Hao jêng wăng sa geh âk, rĭng geh hao 7,07%/năm (trong nchrăp lvang 2020-2025 rĭng geh hao 7,01%/năm) rnoh khlay dĭng lĕ ndơ geh 56% trong nchrăp; dăp rgum wăng sa năm 2023 âk rlău 1,2 tơ̆ nkôp đah năm 2020. Bah meng ăp săk rnglăy dơi geh, ta rƀŭn nchră, ăp đại biểu lĕ sŏng dăng ntĭm ăp nău hôm e, mô hŏ dơi ƀư tâm ƀư tĭng Nghị quyết đảng bộ n’gor Dak Lak n’gul năm kan kơt trong kan ntĭm rđău, ƀĭt joet bah du đêt gưl ủy đảng, n’gâng kan mô hŏ nsôih, mô hŏ ngăch. Nău ƀư bah trong chính trị geh rnôk mô hŏ tâm ban, trong kan tâm rgop gĭt nu nău ta ntŭk mô hŏ uĕh, nu nău rnă njrăng chính trị, đăp mpăn nău rêh jêng geh ntŭk hôm e geh roh đăp mpăn, trong kan mât uănh, mât njrăng bri ta du đêt ntŭk ƀư mô hŏ uĕh...