VOV4.M’nông- Nar 28/6, ntŭk kan văn hóa, thể thao n’hanh pâl nđaih Dak Lak tâm rgop đah hội liên hiệp bu ur n’gor ƀư bôk nău kan tâm rlong gĭt vât mpeh pháp luật mpeh rnăk vâl n’hanh njrăng tâm lơh tâm janh ta rnăk vâl n’gor Dak Lak.

Tât râng tâm rlong geh 15 rnăk vâl văn hóa ta 12 nkuăl, nkuăl têh, nkuăl ƀon têh n’hanh ăp ntŭk kan, n’gâng kan, mpôl kan tahen, ndơn kan an bơi tât 455 rbăn rnăk vâl ta n’gor Dak Lak. Ăp rnăk vâl geh rlău 4 nău tâm rlong geh: mbơh tơih mpeh ăp nuĭh tâm rnăk vâl, tâm rlong gĭt vât mpeh nău ntrŭnh, trong hăn bâh Đảng, nău kơl pháp luật bâh ngih dak geh tât nău kan ntĭm nti rnăk vâl; tâm rlong mbơh ngơi ơh nău ôp tâm nău rêh rnăk vâl n’hanh nău blău êng ăp nuĭh. Rơh tâm rlong lah ntŭk pâl ueh gay ma ăp rnăk vâl tâm rnglăp ueh lơn nău tâm rŏng đah ăp nuĭh kan tâm rnăk vâl, ndrel tâm mâp, tâm nđur, tâm mbơh nău tă kan, gĭt kan, nău dơi tâm nău rêh rnăk vâl.

Nuĭh rblang: Thị Đoắt