Tâm bar nar 1-2/12, Tỉnh uỷ Dak Lak ƀư Tâm nchră Ban chấp hành Đảng bộ n'gor tâl 16 (pơk hvi) an nău rgop ăp nkô̆ tĭng ƀư nău kan năm 2022, trong rƀŏng nău dơn kan năm 2023; pah kan ôp uănh, groi nđôi n'hanh tĭng ƀư rmal tâm Đảng; dăp rgum n'gor Dak Lak lvang năm 2021- 2030, uănh ngai tât 2050 n'hanh rgâl nkra, kơi ntop du đêt nău way pah kan bah Ban Chấp hành Đảng bộ n'gor khóa XVII, năm kan 2020-2025. 

Lah ta rơh tâm nchră, wa Nguyễn Đình Trung, Ủy viên Trung ương Đảng, Bí thư Tỉnh ủy Dak Lak dăn đă, ăp gưl uỷ Đảng đơn vị, nkuâl uănh năl sŏng dăng ăp nău rbăn lhơ mpăng đêt gay joi trong nkra bah, Nkre, lor nchrăp n'hanh grêt dêh trong nchrăp kan rgum tơm gay an dŏng ăp nghị quyết tâm bôk nău kan hŏ n'gluh. Tâm nê, rgum tĭng ƀư Nghị quyết 23 bah Bộ Chính trị mpeh trong rƀŏng hun hao wăng sa rêh jêng kon nuĭh nkual Tây Nguyên, Nghị quyết rlong rdâk njêng trong kơl mha êng dja an nkual ƀon têh Buôn Ma Thuột, an ƀư ăp trong nchrăp kan rgum tơm bah n'gor, tĭng ƀư n'gâng kan mbrô, nkual ƀon têh ăp tŏng nău lư; nkra bah nău manh rlu tơm prăk ntuh kơl ngih dak.

VOV Tây Nguyên/Nuĭh rblang: Điểu Thân