Tâm n’gor Dak Lak ƀư rƀŭn nchră lôch nau tă geh nau ƀư tâm nau kan tâm 6 khay bôk năm, ntrŭnh ƀư nau kan tâm 6 khay dŭt năm tâm lơ 10/7. Tĭng nau mbơh ta rơh rƀŭn, tâm 6 khay bôk năm, văng sa rêh jêng n’gor Dak Lak geh nau đăp mpăn. Rnoh geh ndoh ndơ tăch bah lam n’gor geh bơi tât 24.500 rmen, hao 4% rđil rơh aơ năm 2022. Rnoh geh prăck tăch luh ndoh ndơ geh nklăp 810 rkeh đôla, hao 2% rđil đah rơh aơ năm e. Yơn lah, rnoh geh prăk Ngih dak huch 16,6% rđil năm e. Rnoh geh pă tơm prăk ntuh kơl nsum knŭng geh 18,1% nau nchrăp bah n’gor...

Wa Phạm Ngọc Nghị, Kruanh UBND n’gor Dak Lak đă rđau kan ăp ntŭk kan bah n’gor ân nchrăp, ƀư ueh tay nau kan mbơh, joi luh nkô̆ ndrel đă ntrong kan gay ma doh rklaih nau nkol tâm nau rgum ntuh kơl, ntrŭt dăng pâl n’aih...gay dơi geh ăp nkô̆ nau hun hao văng sa, rêh jêng tâm 6 khay dŭt năm. Ngăn lah, ăp ntŭk kan, nkuăl ân geh ƀư nâp, rklaih ngăn nau ntrŭt ntrôk nau kan bah ăp đah gay ƀư ân ngăch nau rklaih nau dôl kan./.