Lơ 20/3, Chánh án Ngih phat dôih ƀon lan gưl prêh Nguyễn Hoà Bình ndrel Kruanh Viện Kiểm sát ƀon lan Gưl prêh Lê Minh Trí ơh nau ôp tâm rơh rƀŭn tal 21 bah Uỷ ban Rnâng kan Quốc hội gưl XV. Rơh ôp nau geh nthoi ntoh klơ tivi đah 62 rmôt kan ntoh măt bah Quốc hội tâm ăp n’gor, nkuăl ƀon têh tâm Trung ương. Râng rơh ôp nau ta ntŭk n’gor Dak Lak, wa Nguyễn Thị Thu Nguyệt, Kruanh rmôt kan ntoh măt Quốc hội bah n’gor Dak Lak mbơh:

Rơh  ôp nau ntoh măt Quốc hội n’gor Dak Lak hŏ đă ƀư kloh ăp nau kan gay ma rklaih nau geh Ngih phat dôih ƀon lan ăp gưl mhal nau tih dôih mô tâm di đah nau tih dôih, ƀư dŏng mô tâm di điểm, khoản bah ăp điều luật, ƀư dŏng nau kan mô tŏng nau nchrăp bah nau nchŭt dôih, n’hao nau jâk nau kan tih ƀư tât rnoh mhal dêh lơn nau mhal mô lah mô geh jâk, rklaih ăp nau kan ê dơi tâm nau ƀư ndrel nau kan bah ngih phat dôih rnôik aơ kŏ kơt lah rklaih nau jêr, nkol tâm nau rgum ăp săm ƀŭt, nau mpơl bah ăp nau tih hành chính...Nchră tât nau ơh nau ôp bah bar nŭih rđau kan Ngih phat dôih gưl prêh ndrel Việt kiểm sát gưl prêh, wa Nguyễn Thị Thu Nguyệt ân lah, bar rđau kan hŏ ơh nau dŏng, tâm di./.