VOV4.M’nông -  Geh tât nău du đêt ntŭk ƀư nkhah êng nuĭh ƀon lan sĭt ƀon sa Tết Nguyên đán Nhâm Dần 2022, UBND n’gor Dak Lak lĕ geh sam ƀŭt ntĭm rđău ăp ntŭk mô nkhah êng nuĭh ƀon lan sĭt ƀon sa Tết ma ƀư ăp trong lĕ dơi N’gâng kan dak si ntĭm gay njrăng n’gang srê Covid-19. Jêh nău Ngih dak si xă Ea Blang, nkual têh Buôn Hồ, Dak Lak đă du hê nuĭh ƀon lan sĭt n’gor Dak Lak sa Tết an nkhah êng 7 nar bôl lĕ chuh 3 nglai vaccine, nar 26/1, UBND n’gor Dak Lak lĕ geh sam bŭt đă Ban ntĭm rđău n’hanh Ntŭk ntĭm rđău njrăng n’gang srê Covid-19 ta ăp nkuăl, nkual têh, nkual ƀon têh ndăn uănh nđôi, ntĭm rđău ăp ntŭk kan, ƀon lan ta ntŭk mô an êng ăp nău ntrŭnh mpeh njrăng n’gang srê Covid-19 tih đah nău ntĭm, nău ntrŭnh bah Chính phủ, N’gâng kan dak ƀư jêr an nuĭh ƀon lan rnôk sĭt ƀon sa tết. Kơp tât ôi 27/1, n’gor Dak Lak lĕ kơp dơn 15.714 nuĭh ntưp Covid-19, tâm nĕ hôm 2.456 nuĭh dôl săm n’hanh 85 nuĭh khĭt.

Nuĭh rblang: Y Sưng Phê Ja